Oliy Majlis Qonunchilik palatasi deputati Rasul Kusherbayev uning joniga qasd qilingani haqidagi ijtimoiy tarmoqlarda tarqalgan xabarlarga munosabat bildirdi va bunday hodisa yuz bermaganini ma’lum qildi.
“Bo‘layotgan xavotirli qo‘ng‘iroqlarni inobatga olib, men bilan hammasi joyida ekanligi va hech kim jonimga qasd qilmaganligini ma’lum qilmoqchiman.
Umid qilamanki, bundan keyin ham hech kim bunday qilmaydi”, — deya yozgan deputat o‘zining Telegram’dagi kanalida.
Shuningdek, Rasul Kusherbayev asossiz xavotirlarning oldini olish maqsadida barcha blogerlardan axborot tayyorlash va tarqatishda axborotning mazmuni, matni va tasvirlari bir-biriga mos bo‘lishiga e’tibor qaratishni so‘ragan.
Avvalroq Rasul Kusherbayev Zangiotadagi koronavirus bemorlari davolanadigan kasalxona chiqindilari Chirchiq daryosi atrofiga tashlanayotganini ma’lum qilgandi.
Izoh (0)