Олий Мажлис Қонунчилик палатаси депутати Расул Кушербаев унинг жонига қасд қилингани ҳақидаги ижтимоий тармоқларда тарқалган хабарларга муносабат билдирди ва бундай ҳодиса юз бермаганини маълум қилди.
«Бўлаётган хавотирли қўнғироқларни инобатга олиб, мен билан ҳаммаси жойида эканлиги ва ҳеч ким жонимга қасд қилмаганлигини маълум қилмоқчиман.
Умид қиламанки, бундан кейин ҳам ҳеч ким бундай қилмайди», — дея ёзган депутат ўзининг Telegram’даги каналида.
Шунингдек, Расул Кушербаев асоссиз хавотирларнинг олдини олиш мақсадида барча блогерлардан ахборот тайёрлаш ва тарқатишда ахборотнинг мазмуни, матни ва тасвирлари бир-бирига мос бўлишига эътибор қаратишни сўраган.
Аввалроқ Расул Кушербаев Зангиотадаги коронавирус беморлари даволанадиган касалхона чиқиндилари Чирчиқ дарёси атрофига ташланаётганини маълум қилганди.
Изоҳ (0)