AQSh prezidenti Donald Tramp koronavirus pandemiyasini tez orada tugatish niyati borligini aytdi. Bu haqda 24-oktabr kuni Reuters’ga tayanib, “Korrespondent” xabar qildi.
“Biz bu pandemiyani tezda tugatmoqchimiz. Oddiy hayot to‘liq tiklanadi”, – dedi Oq uy rahbari Florida shtatidagi tarafdorlari oldida chiqish paytida.
Bundan tashqari, AQSh yetakchisining fikriga ko‘ra, prezident saylovlaridagi raqibi, demokrat Jo Bayden va uning jamoasi koronavirusning yangi turi haqida bo‘rttirib ko‘rsatib, odamlarni qo‘rqitmoqchi.
Sentabr oyining o‘rtalarida AQSh prezidenti koronavirusga qarshi vaksinaning mamlakat aholisi o‘rtasida keng tarqatish oktabr oyidan boshlanishini ma’lum qilgandi.
Jons Hopkins universitetining ma’lumotlariga ko‘ra, butun dunyo bo‘yicha 42 280 700 ta koronavirusga chalinish holati qayd etilgan. Bemorlarning 28 591 681 nafari sog‘aygan, 1 145 557 nafari esa vafot etgan.
Izoh (0)