АҚШ президенти Дональд Трамп коронавирус пандемиясини тез орада тугатиш нияти борлигини айтди. Бу ҳақда 24 октябрь куни Reuters’га таяниб, «Корреспондент» хабар қилди.
«Биз бу пандемияни тезда тугатмоқчимиз. Оддий ҳаёт тўлиқ тикланади», – деди Оқ уй раҳбари Флорида штатидаги тарафдорлари олдида чиқиш пайтида.
Бундан ташқари, АҚШ етакчисининг фикрига кўра, президент сайловларидаги рақиби, демократ Жо Байден ва унинг жамоаси коронавируснинг янги тури ҳақида бўрттириб кўрсатиб, одамларни қўрқитмоқчи.
Сентябрь ойининг ўрталарида АҚШ президенти коронавирусга қарши вакцинанинг мамлакат аҳолиси ўртасида кенг тарқатиш октябрь ойидан бошланишини маълум қилганди.
Жонс Ҳопкинс университетининг маълумотларига кўра, бутун дунё бўйича 42 280 700 та коронавирусга чалиниш ҳолати қайд этилган. Беморларнинг 28 591 681 нафари соғайган, 1 145 557 нафари эса вафот этган.
Изоҳ (0)