Mashhur amerikalik kinoaktyor Arnold Shvarseneggerning yuragi operatsiya qilindi. Kaliforniyaning sobiq gubernatori bu haqda 23-oktabr kuni o‘z Twitter sahifasida ma’lum qildi, deya xabar bermoqda “Korrespondent”.
Qayd etilishicha, yuragining aorta qopqog‘i (klapan) almashtirilgan. Aktyorning so‘zlariga ko‘ra, operatsiya Klivlend klinikasida amalga oshirilgan.
“Klivlend klinikasidagi jamoaga rahmat. Menda operatsiyadan keyin yangi aorta qopqog‘i paydo bo‘ldi. Men o‘zimni fantastik darajada yaxshi his qilyapman va allaqachon Klivlend atrofida shahardagi ajoyib haykallarni tomosha qilib yuribman”, – deb yozgan 73 yoshli aktyor.
Postga u kasalxonada va shahar atrofidagi sayr paytida olingan bir nechta fotosuratlarni ilova qildi.
Ma’lumot uchun, aorta qopqog‘i qonning yurak chap qorinchasidan aortaga o‘tishini ta’minlaydi. Uning normal ishlamasligi yurakning ishdan chiqishiga olib keladi. Buning oldini olish uchun qopqoq o‘zgartiriladi.
Izoh (0)