AQSh prezidenti Donald Tramp mamlakatda tez orada yangi turdagi koronavirusga qarshi vaksina paydo bo‘lishini va u pandemiyaga nuqta qo‘yishini aytdi. Bu haqda u 25-oktabr kuni Nyu-Hempshir shtatida o‘z tarafdorlari qarshisida so‘zlagan nutqida aytib o‘tdi, deb yozadi “Korrespondent.net”.
“Biz vaziyatni o‘zgartirishga yaqin qoldik, ammo vaksina buni tezlashtiradi, chunki biz oddiy hayot yana qaytib kelishini istaymiz, shunchaki oddiy hayotga qaytishni xohlaymiz”, — dedi Tramp.
Amerika yetakchisi koronavirusga qarshi dori tez orada tayyor bo‘lishini ta’kidladi. “Bu tez bo‘ladi”, — deya ishonch bildirdi u.
Avvalroq Donald Tramp Demokratlar partiyasi nomzodi Jozef Bayden bilan o‘tkazilgan saylovoldi teledebatlarining so‘nggi raundida AQSh yaqin kunlar ichida COVID-19 koronavirus infeksiyasiga qarshi Amerika vaksinasi tayyor bo‘lganini e’lon qilishni rejalashtirayotganini ma’lum qilgandi.
Sentabr oyining o‘rtalarida AQSh prezidenti koronavirusga qarshi vaksinaning mamlakat aholisi o‘rtasida keng tarqatish oktabr oyidan boshlanishini ma’lum qilgandi.
AQSh sobiq prezidenti Barak Obama esa Trampning amerikaliklarni koronavirusdan himoya qila olishiga shubha qilmoqda.
Izoh (0)