Isroil va Sudan munosabatlarni me’yorga keltirishni kelishib oldi

Isroil hamda Sudan o‘zaro munosabatlarni me’yorlashtirishni kelishib oldi. Bu haqda Oq uy matbuot kotibining o‘rinbosari Jadd Dir ma’lum qilgan.

Uning so‘zlariga ko‘ra Sudan va Isroilning munosabatlari yaxshilanishi haqida AQSh prezidenti Donald Tramp e’lon qilgan. Endi ikki mamlakat o‘zaro munosabatlarning boshqa tafsilotlarini kelishib olishi lozim.

Avvalroq Tramp Sudanni terrorchilikni moliyalashtiruvchi davlat ro‘yxatidan chiqarishni so‘ragani xabar qilingandi.

Eslatib o‘tamiz, Isroil hamda Bahrayn o‘rtasida ham diplomatik munosabatlar qayta tiklangan. Bahrayn tashqi ishlar vaziri barcha sohalarda ikki tomonlama manfaatli hamkorlik, mintaqadagi tinchlik va Isroil hamda Falastin o‘rtasidagi nizoni hal etish diplomatik munosabatlarning asosiy yo‘nalishlari bo‘lishiga umid bildirgan.