Qaysi avtomobillar haydovchilari yo‘l harakati qoidalarini eng ko‘p buzishi aniqlandi

Avtomobil sug‘urtasini tanlash imkonini beradigan Insurify portali yo‘l harakati qoidalarini qo‘pol ravishda qaysi modellar ko‘proq buzishiga oid reytingi bilan bo‘lishdi, deb xabar beradi Motor.

Reytingni tuzishda yo‘l harakati qoidalarini buzish bo‘yicha avtomobil sug‘urtalarini rasmiylashtirish uchun berilgan 2,5 millionta ariza ma’lumotlaridan foydalanilgan. AQShda ular barcha turdagi avariyalar, yo‘l qoidasining buzilishi va solingan jarimalarga oid ma’lumotlarni ham o‘zida saqlaydi. Reytingning so‘nggi pog‘onasidan Audi A4 o‘rin olgan: ushbu model haydovchilari boshqalarga qaraganda to‘rt marotaba ko‘proq piyodalarga yo‘l bermaydi.

• 9-o‘rin: Honda Element — uning haydovchilari ikki barobar ko‘proq boshqa avtomobillarga yo‘l bermaydi;
• 8-o‘rin Hyundai Veloster — mazkur model egalari yo‘l harakatining boshqa haydovchilari ustunligini hisobga olmaydi va ko‘proq tezlikni oshiradi;
• 7-o‘rin — Aucra ILX haydovchilari 81,7 foizga ko‘proq yo‘l bermaydi;
• 6-o‘rin — Acura TLX haydovchilari 72,1 foizga STOP belgisiga rioya qilmaydi;
• 5-o‘rin — Toyota Celica haydovchilari o‘rtacha ikki barobar ko‘rpoq xavfsizlik kamarini taqmaydi;
• 4-o‘rin — Subaru WRX haydovchilari ikki barobar ko‘proq quvib o‘tish qoidalarini buzadi;
• 3-o‘rin — Audi A5 haydovchilari qizil chiroqqa boshqalarga qaraganda 1,5 barobar ko‘proq rioya qilmaydi;
• 2-o‘rin — BMW 7-Series haydovchilari barcha turdagi yo‘l harakati qoidalarini ikki barobar ko‘proq buzadi;
• 1-o‘rin — BMW 4-Series haydovchilari boshqalarga qaraganda ko‘proq piyodalarga yo‘l bermaydi va svetoforning qizil chirog‘iga rioya qilmaydi.