Polshalik fotobloger Varshava yaqinida ko‘plab avtomobillar qarovsiz holda saqlanayotgani tasvirlangan suratlar bilan bo‘lishdi, deb xabar beradi CARakoom.
“Men bu yerdan necha marotaba o‘tganimni hisoblay olmayman, biroq uning mavjudligi to‘g‘risida endi xabar topdim”, — deydi “Sergey Burek” niki ostidagi fotobloger.
Mazkur hudud aynan qayerda joylashgani to‘g‘risida deyarli ma’lumot yo‘q. Aftidan, avtomobillar dastlab bu yerga ta’mirlash maqsadida olib kelingan, lekin buni tasdiqlaydigan aniq fakt yo‘q. Avtomobillarning aksariyati Fiat 125p va 126 modellari. Atrof chiriyotgan eski avtomobillar qismlariga to‘lib ketgan.
Tashlandiq avtomobillar orasida Sobiq Ittifoq davrida ishlab chiqarilgan texnikalarni ham uchratish mumkin: eski “Moskvich”, “Zaporojets”, “Jiguli” va hatto “ZIL-157”ni ham. Kuzovlarning bir qismi kesib olingan, qolgan qismlari ham achinarli ahvolda.
Shuningdek, mashinalar orasida mazkur o‘lkalar uchun noyob hisoblangan Ford Escord Mk2, Polshada ishlab chiqarilgan FSO Syrena mikroavtomobili, SSSRda o‘z vaqtida mashhur bo‘lgan Nysa 522 mikroavtobusi ham mavjud.
Avvalroq Portugaliyada 50 ga yaqin klassik Mini modellari saqlangan ombor, Saudiya Arabistonida esa sovet “Volga”lari “qabristoni” topilgani to‘g‘risida xabar berilgandi.
Izoh (0)