Қайси автомобиллар ҳайдовчилари йўл ҳаракати қоидаларини энг кўп бузиши аниқланди

Автомобиль суғуртасини танлаш имконини берадиган Insurify портали йўл ҳаракати қоидаларини қўпол равишда қайси моделлар кўпроқ бузишига оид рейтинги билан бўлишди, деб хабар беради Motor.

Рейтингни тузишда йўл ҳаракати қоидаларини бузиш бўйича автомобиль суғурталарини расмийлаштириш учун берилган 2,5 миллионта ариза маълумотларидан фойдаланилган. АҚШда улар барча турдаги авариялар, йўл қоидасининг бузилиши ва солинган жарималарга оид маълумотларни ҳам ўзида сақлайди. Рейтингнинг сўнгги поғонасидан Audi А4 ўрин олган: ушбу модель ҳайдовчилари бошқаларга қараганда тўрт маротаба кўпроқ пиёдаларга йўл бермайди.

• 9-ўрин: Honda Element — унинг ҳайдовчилари икки баробар кўпроқ бошқа автомобилларга йўл бермайди;
• 8-ўрин Hyundai Veloster — мазкур модель эгалари йўл ҳаракатининг бошқа ҳайдовчилари устунлигини ҳисобга олмайди ва кўпроқ тезликни оширади;
• 7-ўрин — Aucra ILX ҳайдовчилари 81,7 фоизга кўпроқ йўл бермайди;
• 6-ўрин — Acura TLX ҳайдовчилари 72,1 фоизга СТОП белгисига риоя қилмайди;
• 5-ўрин — Toyota Celica ҳайдовчилари ўртача икки баробар кўрпоқ хавфсизлик камарини тақмайди;
• 4-ўрин — Subaru WRX ҳайдовчилари икки баробар кўпроқ қувиб ўтиш қоидаларини бузади;
• 3-ўрин — Audi А5 ҳайдовчилари қизил чироққа бошқаларга қараганда 1,5 баробар кўпроқ риоя қилмайди;
• 2-ўрин — BMW 7-Series ҳайдовчилари барча турдаги йўл ҳаракати қоидаларини икки баробар кўпроқ бузади;
• 1-ўрин — BMW 4-Series ҳайдовчилари бошқаларга қараганда кўпроқ пиёдаларга йўл бермайди ва светофорнинг қизил чироғига риоя қилмайди.