Toshkent viloyati Yashnobod tumanida Cobalt avtomashinasini olib qochib, ichidagi 50 000 so‘m pulini o‘g‘irlagan shaxs ushlandi deya xabar qilmoqda IIV.
Ma’lum qilinishicha, 20-oktabr kuni soat taxminan 02:30 da Yashnobod tumanida yashovchi 23 yoshli Sh.X. transport vositasini olib qochish maqsadida fuqaro Sh.D.ga tegishli Cobalt rusumli avtomashinani Yashnobod tumani Farg‘ona yo‘li ko‘chasi 279-uyning tashqarisida qarovsiz qoldirilganligidan foydalanib, oynani sindirish yo‘li bilan ochgan.
Fuqaro Sh.X. mashinada turgan kalit yordamida o‘t oldirib, transport vositasini olib qochgan. Shundan so‘ng Sh.X. ushbu avtomashina salonida bo‘lgan 50 000 so‘m pulni qo‘lga kiritib, avtomashinani Mirobod tumani, Qo‘yliq 2-mavzesi hududida qoldirib, hodisa joyidan yashiringan.
Olib borilgan tezkor surishtiruv ishlari natijasida Sh.X.dan 50 000 so‘m pul ashyoviy dalil tariqasida rasmiylashtirib olingan.
Mazkur holat yuzasidan Sh.X.ga nisbatan Yashnobod tuman IIO FMB huzuridagi Tergov bo‘limi tomonidan Jinoyat kodeksining 267-moddasi 1-qismi (transport vositasini olib qochish) bilan jinoyat ishi qo‘zg‘atilgan. Sh.X. gumon qilinuvchi tariqasida ishda ishtirok etishga jalb qilingan bo‘lib, protsessual tartibda ushlangan.
Avvalroq Surxondaryoda Captiva olib qochgan 29 yoshli yigit, Qibrayda o‘ziga tanish ayolning uyida bosqinchilik sodir etgan erkak va Farg‘onada jarima maydonchasidan mototsikl olib qochgan fuqaro qo‘lga olingani haqida xabar berilgandi.
Izoh (0)