AQShning yo‘l harakati xavfsizligi bo‘yicha mutaxassislari muayyan brenddagi avtomobil egalari bemulohazalik bilan mashina haydashga moyilroq ekanligini aniqladi, deb yozmoqda “Motor”.

Foto: Pixabay

Ular o‘lim bilan yakunlanuvchi avtohalokatlarning uchta eng keng tarqalgan sabablari — tezlikni oshirish, spirtli ichimlik va giyohvand moddalar iste’mol qilish ekanini aniqladi va qanday rusumdagi avtomobillar avtohalokatlar xronikasida ko‘proq qayd etilganini o‘rgandi.

Tadqiqot natijasiga ko‘ra, umumiy to‘qnashuvlar orasida Infiniti avtomobillari ishtirokidagi to‘qnashuvlarning har uchinchisiga tezlikning oshirilishi, har ikkinchisiga mashinani mast holatda boshqarish, 5 foiziga haydovchi tomonidan giyohvand modda iste’mol qilinishi sabab bo‘lgan.

Acura, Mercedes-Benz va Lexus brendlari ham avtohalokatlar bo‘yicha yuqori ko‘rsatkichlarga ega. Bundan mutaxassislar bemulohazalik bilan mashina haydashga  qimmatbaho avtomobil egalari ko‘proq moyil, degan xulosaga kelgan. Taqqoslash uchun, qimmatbaho mashinalar hissasiga tezlikni oshirish sababli yuz beruvchi avtohalokat “lyuks” sinfga mansub avtomashinalarga halokatlarning 27 foizi, ommaviy segment modellariga esa 25 foizi to‘g‘ri kelgan.

Shuningdek, Osiyo va nemis brendlari mashinalari xavfli haydash sababli avtohalokatga ko‘proq tushishi kuzatilgan. Misol uchun, Mitsubishi, Volkswagen va Honda avtomobillari ishtirokida yuz bergan 10 ta avariyadan taxminan 3 tasi tezlikni oshirish bilan bog‘liq. Buick, Chrysler va Lincoln brendlarida bu ko‘rsatkich ancha past.

Acura, Cadillac va Mercedes-Benz rusumlari ham mast holatda yo‘l-transport hodisasini sodir etish bo‘yicha yetakchi beshtalikka kirgan, Pontiac va Mitsubishi avtomobillari egalari esa yengil narkotik moddalar ta’siri ostida sodir etilgan avtohalokatlar reytingining eng yuqori pog‘onalarini egallagan.

Tadqiqot uchun asos sifatida AQSh yo‘l harakati xavfsizligi milliy ma’muriyatining 2017-yilgi ma’lumotlari olingan.