Podpolkovnik Ortiqov Anvar Rahimboyevich – O‘zbekiston Respublikasi Milliy gvardiyasi Andijon viloyati bo‘yicha boshqarmasi boshlig‘i lavozimiga tayinlandi. Bu haqda Milliy gvardiya axborot xizmati xabar qilgan.
Tayinlovga qadar A.Ortiqov Milliy gvardiya Xorazm viloyati bo‘yicha boshqarmasi boshlig‘ining jamoat xavfsizligini ta’minlash bo‘yicha o‘rinbosari lavozimida xizmat olib borgan.
Eslatib o‘tamiz, 2020-yil mart oyida O‘zbekiston Respublikasi ichki ishlar vaziri o‘rinbosari — Toshkent shahar IIBB boshlig‘i general-mayor Rustam Jo‘rayev Milliy gvardiya qo‘mondoni lavozimiga tayinlangan. Aprel oyida esa polkovnik Bekmurod Abdullayev Milliy gvardiya qo‘mondonining jamoat xavfsizligini ta’minlash bo‘yicha birinchi o‘rinbosari, Polkovnik Mamirjon G‘aniyev Milliy gvardiya qo‘mondonining o‘rinbosari — Qo‘riqlash bosh boshqarmasi boshlig‘i, Polkovnik Sarvar Mamayusupov esa Milliy gvardiya qo‘mondonining tarbiyaviy va mafkuraviy ishlar bo‘yicha o‘rinbosari lavozimini egallagandi.
Izoh (0)