UFC 254. Ҳабиб Нурмагомедов кечанинг ёрқин жанги учун бонусга эга бўлди

Енгил вазн тоифасида UFC чемпиони Ҳабиб Нурмагомедов UFC 254 мусобақасида Жастин Гэтжига қарши жанг қилди ва рақибини иккинчи раундда таслим этди.

Россиялик яккакурашчи кечанинг ёрқин жанги учун UFC томонидан тақдим этиладиган 50 минг доллар миқдоридаги бонусга эга бўлди. Бу ҳақда UFC президенти Дэйна Уайт мусобақадан кейинги матбуот анжуманида айтиб ўтди.

Шунингдек, россиялик яна бир жангчи Магомед Анкалаев ҳам бонусни қўлга киритди. У Ион Куцелабага қарши реванш жангида рақибини нокаутга учратганди.

UFC 254 мусобақаси барча жангларини бу ерда томоша қилиш мумкин — ҳавола.

Кечанинг энг яхши жанги сифатида Натаниэл Вуд ва Кейси Кенни иштирокидаги беллашув эътироф этилди. Ҳар икки жангчи 50 минг доллар миқдоридаги бонусга эга бўлган.

Эслатиб ўтамиз, мусобақадан кейин Ҳабиб фаолиятини якунлашини маълум қилди.