SSC Tuatara гиперкари АҚШнинг Невада штатидаги 160 давлат трассасида рекорд ўрнатди. Гиперкар дунёдаги энг тезкор серияли автомобилга айланди, деб ёзади Business Insider.
Автомобилнинг ўртача тезлиги 316,11 мил/соатни (508,7 км/соат) ташкил этган. Бу 15 та сунъий йўлдош ёрдамида қайд этилган.
Пойгалар учун мўлжалланган йўлда эса SSC Tuatara’нинг тезлиги соатига 532,9 километрга етган. Уни профессионал пойгачи Оливер Уэбб бошқарган.
Шундай қилиб, автомобиль 2019 йили Германиядаги улкан Volkswagen Ehra-Lessien синов йўлида Bugatti Chiron Super Sport томонидан ўрнатилган рекордни янгилади. Аrs Technicа маълумотларига кўра, ўшанда Chiron Super Sport тезлиги соатига 490,4 километрга етган.
Эслатиб ўтамиз, шу йилнинг июнь ойида Америкадаги Specialty Vehicle Engineering (SVЕ) чекланган нусхада яратилган ўрта ўлчамли дунёдаги энг тезкор пикап — Syclone’ни тақдим этганди.
Мавзуга доир: Дунёдаги энг тезкор лимузин сотувга қўйилди (фото)
Изоҳ (0)