“Faryod”, “Devona”, “Uqubat” va “Aldangan ayol” filmlaridagi rollari bilan tomoshabinlarga yaxshi tanish bo‘lgan aktrisa Jamila G‘ofurova ikki qiz farzanddan keyin o‘g‘illi bo‘ldi. Bu haqda aktrisa “Daryo” muxbiri bilan suhbatda aytib o‘tdi.
O‘g‘li Muhammadmustafo 20-sentabr kuni dunyoga kelgan bo‘lsa-da, aktrisa bu gal negadir ona bo‘lganligi haqidagi xabarni muxlislari bilan bo‘lishishga oshiqmadi.
“Karantin sabab tug‘ruqxonadan ham oddiygina libos va maxsus pardoz-andozsiz chiqishimizga to‘g‘ri keldi. Marosimlarni ham oila davrasida, kamtarona qilib o‘tkazishga qaror qildik. Shu bois bu xabarni e’lon qilishga ham zarurat tug‘ilmadi”, — deydi aktrisa.
Eslatib o‘tamiz, aktrisaning 11 yoshli Shirina va 2,5 yoshli Maryam ismli qizlari bor.
Izoh (0)