“Qora niyat”dagi Xalit vafot etadi, Kerem serialdan ketadi, O‘zjan Denizning yangi loyihasi. Turk kinosi yangiliklari (foto)

Turk kinosanoatining o‘z o‘rniga ega bo‘lgan aktyor va aktrisalari haqidagi so‘nggi ma’lumotlarni e’tiboringizga havola etishda davom etamiz.

Kenan Imirzalio‘g‘lu va Sinem Kobal qiz farzandli bo‘ladi. Jurnalistlarning farzandini qanday nom bilan atashini so‘rab qilgan murojaatiga Kenan ism allaqachon tanlangani, ammo uni rafiqasi tomonidan ma’lum qilinsa, to‘g‘ri bo‘lishini bildirgan. “Uçankuş” jurnalida faoliyat olib boradigan Barish Agilga ko‘ra, qizga ma’nosi yorqin qizil rangni bildiradigan Lalin deb ism qo‘yiladi.

Serenay Sarikaya go‘zallik markazidan chiqaverishda muxbirlar e’tiboridan chetda qolmagan. Ularning qanday go‘zallik amaliyotini bajargani haqidagi savolga shoshayotganini bahona qilgan aktrisa bu muammo haqida gapirmasligini aytib, aniq javob bermagan.

Murat Yildirimning rafiqasi Iman Elbanini soch turmaklash saloni yonida kutib turgani ham diqqatdan chetda qolmagan. Aktyor Imaning Turkiyada o‘zidan boshqa hech kimi yo‘qligi sabab u bilan hamma yerda birga ekaniga oydinlik kiritgan.

Ibrohim Chelikkol Instagram sahifasida yangi surat bilan bo‘lishgan va unga “Chelikollar oilasi”, deb izoh qoldirgan.

Italiyada Jan Yamanga bag‘ishlab kitob chop etildi. Corriere della Sera gazetasida faoliyat yuritadigan Florianna Rullo muallifligi asosida yozilgan kitob “Jan Yaman — men seni umrbod sevaman” deb nomlangan. Italiyada sotuvga chiqarilgan kitobni 12,9 yevroga xarid qilish mumkin. Mazkur kitob aktyor haqidagi qiziqarli faktlar uning oilasi, bolaligi va talabalik yillari, shuningdek, shaxsiy hayoti va intervyularni o‘z ichiga oladi.

“Qora niyat” seriali sujetida o‘zgarishlar yuz berishi kutilmoqda. Unda Talat Bulut gavdalantirayotgan Xalit Argun serialning 85-qismida vafot etadi. Birsen Aluntashning ma’lum qilishicha, Gekxan Alkan ham ssenariy bo‘yicha serialni tark etadi.

“Turkiyaning Jorj Klunisi” — O‘zjan Deniz “Men seni uzoq kutdim” serialining suratga olish jamoasi bilan birgalikda Erzinjandan qaytib keldi, suratga olish ishlari Istanbulda davom etadi. Aktyor Irem Helvajio‘g‘lu bilan birga rol ijro qiladigan ushbu serial sujeti hayotiy voqealikka asoslangan.

Demet O‘zdemir Italiyaning Verissimo televizion shousi mehmoni bo‘lgan.