Samsung kompaniyasi 2021-yilning yanvarida Galaxy S21 lineykasini taqdim etishi to‘g‘risida xabar berilgandi. Shu sababli internetda yangi modelga oid ma’umotlar paydo bo‘lmoqda. IXBT nashri Galaxy S21’ning sifatli suratlari bilan bo‘lishdi.
Ta’kidlanishicha, bu lineykadagi eng kichik model bo‘lib, uning ekrani diagonali 6,2 dyuymga teng. O‘lchamlari esa 151,7 x 71,2 x 7,9 millimetr. Suratlardan ko‘rish mumkinki, qurilmaning orqa tomoni hozirgi flagmanlarnikidan farq qiladi.
Yangi qurilmaning asosiy o‘ziga xosligi — asosiy kamera modulining joylashuvi — ular yon va yuqori tomonga “suzib chiqqan”.
Taxminlarga ko‘ra, bu kabi dizayndan lineykadagi boshqa modellarda ham foydalaniladi: Galaxy S21+ va Galaxy S21 Ultra.
Avvalroq Samsung flagmanlarga xos texnik jihatlarga ega Galaxy S20 FE modelini taqdim etgani to‘g‘risida xabar berilgandi.
Izoh (0)