Samsung flagmanlarga xos texnik jihatlarga ega Galaxy S20 FE modelini taqdim etdi

Janubiy Koreyaning Samsung kompaniyasi o‘zining yangi smartfoni — Galaxy S20 FE’ni taqdim etdi. Smartfon flagmanlarga xos texnik jihatlari va dizayni bilan Galaxy S20’dan farq qiladi, biroq soddalashtirilgan ingichka hoshiyali ekranga ega, deb xabar beradi GSMArena.

Yangi modelga Full HD+ sifatni qo‘llab-quvvatlovchi 6,5 dyuymli diagonalga ega Super AMOLED-ekran o‘rnatilgan. Displeydagi tasvirning yangilanish chastotasi — 120 gerts. Taqdimotda ma’lum qilinishicha, yangi S20 FE’ga eng kichkina frontal kameralardan biri o‘rnatilgan — diametri 3,34 milimetr. Selfi-kamera 32 megapikselli keng modulga ega bo‘lgan.

Apparatda asosiy kameralar uchta: 12 megapikselli asosiy modul, 12 megapikselli keng burchak va 8 megapikselli telefotomodul. Kamera dasturiy ta’minoti Galaxy S20 flagman seriyalariga tegishli.

Smarton ichiga 4G aloqa tarmog‘ini qo‘llab-quvvatlaydigan Exynos 990 yoki 5G’ga ega Snapdragon 865+ protsessori, 8 gigabayt tezkor va 128/256 gigabayt ichki xotira o‘rnatiladi. Qurilma Android 10 operatsion tizimida ishlaydi. Akkumulyator sig‘imi 4500 mA/soatga teng bo‘lib, 25 vattli tezkor hamda 15 vattli simsiz zaryadlanish funksiyasiga ega. Bu 0 foizli batareyani 50 foizga 30 daqiqada to‘ldirish imkonini beradi.

Smartfon korpusi IP68 standarti bo‘yicha himoyalangan va oltita yorqin ranglarda taqdim etilgan: ko‘k, qizil, oq, pushti, yalpizrang va yorqin-apelsin rangida.

Eslatib o‘tamiz, arzonlashtirilgan Galaxy S20 FE smartfoni to‘g‘risidagi ma’lumotlar 2020-yilning avgust oylarida paydo bo‘lgandi. U Galaxy S20’dan 15-20 foizga arzoroq narxda sotuvga chiqishi kerak.