Samsung компанияси 2021 йилнинг январида Galaxy S21 линейкасини тақдим этиши тўғрисида хабар берилганди. Шу сабабли интернетда янги моделга оид маъумотлар пайдо бўлмоқда. IXBT нашри Galaxy S21’нинг сифатли суратлари билан бўлишди.
Таъкидланишича, бу линейкадаги энг кичик модель бўлиб, унинг экрани диагонали 6,2 дюймга тенг. Ўлчамлари эса 151,7 х 71,2 х 7,9 миллиметр. Суратлардан кўриш мумкинки, қурилманинг орқа томони ҳозирги флагманларникидан фарқ қилади.
Янги қурилманинг асосий ўзига хослиги — асосий камера модулининг жойлашуви — улар ён ва юқори томонга «сузиб чиққан».
Тахминларга кўра, бу каби дизайндан линейкадаги бошқа моделларда ҳам фойдаланилади: Galaxy S21+ ва Galaxy S21 Ultra.
Аввалроқ Samsung флагманларга хос техник жиҳатларга эга Galaxy S20 FE моделини тақдим этгани тўғрисида хабар берилганди.
Изоҳ (0)