Ўта енгил вазн тоифасида UFC чемпиони Петр Ян 2020 йилнинг 12 декабрь куни Алжамейн Стерлингга қарши жанг ўтказиши кутилмоқда. Бу ҳақда журналист Бретт Окамото хабар берди.
Дэйна Уайтнинг сўзларига кўра, UFC Петр Ян ва Алжамейн Стерлинг ўртасидаги чемпионлик жангини 12 декабрь куни Лас-Вегасда ўтадиган мусобақанинг асосий воқеаси қилмоқчи. Манбаларга кўра, шартнома ҳали имзоланмаган, бироқ UFC бунинг устида иш олиб бормоқда.Қайд этиш жоиз, аввалроқ Ян ва Стерлинг бир неча бор Twitter тармоғида бир-бирига қарши кескин фикрлар билдирганди.Бретт Окамото, журналист
Эслатиб ўтамиз, Ян июль ойида бразилиялик Жозе Алдони мағлубиятга учратиб, чемпионлик камарини қўлга киритганди. Унинг ҳисобида 16 жанг, 15 та ғалаба ва 1 та мағлубият бор.
Стерлинг эса MMA’да 22 жанг ўтказиб, уларнинг 19 тасида ғолиб бўлган, яна 3 та беллашувда эса рақибларига имкониятни бой бериб қўйган.
Изоҳ (0)