O‘zbekiston investitsiya va tashqi savdo vazirligining 84 nafar xodimi 22 kun davomida Toshkent shahridagi mehmonxonada yashab, ovqatlangani uchun qariyb 1 milliard so‘m to‘lov amalga oshirilgan. Bu davlat xaridlari bo‘yicha ochiqlangan ma’lumotda aks etgan.
Qayd etilishicha, vazirlikning 84 nafar xodimi Toshkent shahrida joylashgan Inter Hotel (sobiq Intercontinental) mehmonxonasida 22 sutka yashab, uch mahal ovqatlangani hamda mehmonxona anjumanlar zalidan foydalangani uchun 918 million 677 ming 500 so‘m to‘lov amalga oshirilgan.
Vazirlik va mehmonxona o‘rtasida tuzilgan 7-aprel kungi shartnomaga qo‘shimcha qilingan hujjatga muvofiq, har bir xodimning mehmonxonada yashab, ovqatlanishi bir sutka uchun 515 ming so‘mga baholangan. Anjumanlar zalidan 22 sutka foydalanish uchun esa 77 million 402 ming so‘m to‘lab berilgan.
Ta’kidlanishicha, ushbu shartnoma Loyiha boshqaruvi milliy agentligining tegishli xatiga asosan mehmonxona bilan to‘g‘ridan to‘g‘ri tuzilgan.
Mavzuga doir:
- O‘zbekistonda yangi dor yo‘llarini qurgan investorlarga har 500 metr yo‘l uchun 1 mlrd so‘mgacha subsidiya ajratiladi
- Ummonning yirik kompaniyalari Chortoq tumanida besh yulduzli mehmonxona va villalar quradi
- “Qachongacha budjet mablag‘lari, xalq rizqi talon-toroj qilinadi?” – Tanzila Norboyeva Qumqo‘rg‘onda qulab tushgan ko‘prik haqida
Izoh (0)