Ўзбекистон инвестиция ва ташқи савдо вазирлигининг 84 нафар ходими 22 кун давомида Тошкент шаҳридаги меҳмонхонада яшаб, овқатлангани учун қарийб 1 миллиард сўм тўлов амалга оширилган. Бу давлат харидлари бўйича очиқланган маълумотда акс этган.
Қайд этилишича, вазирликнинг 84 нафар ходими Тошкент шаҳрида жойлашган Inter Hotel (собиқ Intercontinental) меҳмонхонасида 22 сутка яшаб, уч маҳал овқатлангани ҳамда меҳмонхона анжуманлар залидан фойдалангани учун 918 миллион 677 минг 500 сўм тўлов амалга оширилган.
Вазирлик ва меҳмонхона ўртасида тузилган 7 апрель кунги шартномага қўшимча қилинган ҳужжатга мувофиқ, ҳар бир ходимнинг меҳмонхонада яшаб, овқатланиши бир сутка учун 515 минг сўмга баҳоланган. Анжуманлар залидан 22 сутка фойдаланиш учун эса 77 миллион 402 минг сўм тўлаб берилган.
Таъкидланишича, ушбу шартнома Лойиҳа бошқаруви миллий агентлигининг тегишли хатига асосан меҳмонхона билан тўғридан-тўғри тузилган.
Мавзуга доир:
- Ўзбекистонда янги дор йўлларини қурган инвесторларга ҳар 500 метр йўл учун 1 млрд сўмгача субсидия ажратилади
- Уммоннинг йирик компаниялари Чортоқ туманида беш юлдузли меҳмонхона ва виллалар қуради
- «Қачонгача бюджет маблағлари, халқ ризқи талон-торож қилинади?» – Танзила Норбоева Қумқўрғонда қулаб тушган кўприк ҳақида
Изоҳ (0)