“O‘zsanoatqurilishmateriallari” uyushmasi boshqaruvi raisining investitsiya, eksport va iqtisodiyot bo‘yicha o‘rinbosari Ulug‘bek Abrayev 14-oktabr kuni og‘ir xastalik oqibatida 39 yoshida vafot etdi. Bu haqda uyushma matbuot xizmati xabar berdi.
Ulug‘bek Abrayev Qashqadaryo viloyatining Qarshi tumanida tug‘ilgan. 2003-yili Toshkent moliya institutining magistratura yo‘nalishini tamomlagan.
Mehnat faoliyatini 2004-yildan Markaziy bank huzuridagi Pul-kredit siyosati markazi Pul muomalasini tahlil qilish va prognozlash bo‘limida boshlagan. 2004—2018-yilgacha Markaziy bankda turli lavozimlarda mehnat qilgan. 2019-yilda AT “Poytaxtbank” boshqaruvi raisining o‘rinbosari lavozimida ishlagan.
2019-yildan “O‘zsanoatqurilishmateriallari” uyushmasi boshqaruvi raisining investitsiya, eksport va iqtisodiyot bo‘yicha o‘rinbosari lavozimida faoliyat ko‘rsatib kelayotgan edi.
Xabarda uning vafoti sababiga aniqlik kiritilmagan. “Gazeta.uz” manbasiga ko‘ra, marhumda COVID-19 asoratlari bo‘lgan.
Bundan avval Shayx Alouddin Mansur 68 yoshida, akademik Shavkat Akmalxonov 87 yoshida, O‘zbekiston Jurnalistlari ijodiy uyushmasi raisi Sa’dulla Hakimov 63 yoshida vafot etgani xabar berilgan edi.
Izoh (0)