O‘zbekistonda xizmat ko‘rsatgan artist Saida Rametova “Mendirman Jaloliddin” deb nomlangan tarixiy serialidaTurkon xotunning kanizi Oygul rolini ijro etmoqda.
Saida Rametova serialning ilk qismi, saratonni yengib, serialning keyingi faslida ham rol ijro etishi, kasallikka qarshi muolajalari yaxshi samara berayotganini ma’lum qildi. Bu haqda aktrisa “Daryo” muxbiri Feruz Muhammadga bergan qisqa intervyusida gapirib berdi.
Yaxshi niyat qildim, Allohdan so‘radim, muxlislarim duolar qilishdi. Duolar, albatta, ijobat bo‘ladi, mana bugun bardam-baquvvat bo‘lib, premyeraga keldim. Bugun o‘zim intiqib kutgan kunim, juda ham xursandman. “Mendirman Jaloliddin” seriali hammaga yoqdi, Xudo xohlasa xalqimizga ham, muxlislarimizga ham manzur bo‘ladi degan umiddaman. Nazarimda, hali buni butun dunyo ko‘radi. Ko‘p davlatlar ko‘ramiz deb turishibdi. Hammaga ma’qul bo‘ladi. Serial bugunning o‘zida ko‘pchilikka ma’qul bo‘ldi.Ma’lumot uchun, “Mendirman Jaloliddin” serialining birinchi fasli 13 qismdan iborat. Loyiha rahbari Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi o‘rinbosari Saida Mirziyoyeva. G‘oya muallifi hamda bosh prodyuser O‘zbekiston Respublikasi Madaniyat vaziri Ozodbek Nazarbekov.Bu birinchi qismdagi o‘ynagan rolimdan ko‘nglim to‘ldi, chunki bu hali boshlanishi. Hali keyingi qismlarda rollarimiz o‘sib boradi. Xudo xohlasa hali ikkinchi faslda ham o‘ynashni niyat qildim.
Hozir o‘sha birinchi kelganimdan juda yaxshiman, Allohga shukr. Muolajalar yaxshi, shifokorlarimga, professorlarga rahmat. Xalqimizga rahmat. Allohimga shukronalar keltiraman. Endi yana ijod, ijod va mehnat.
Muxlislarimizga shuni aytamanki, sizlar duoda bo‘linglar, biz yaxshi rollarni, yaxshi obrazlarni sizga armug‘on qilaylik.
Saida Rametova, O‘zbekistonda xizmat ko‘rsatgan artist
Serial bosh rejissori Metin Gunay, rejissor Nurgissa Almurat, ssenariy muallifi hamda prodyuser Mehmed Bozdag‘ hisoblanadi. Film Turkiyaning “Bozdag‘ film” kompaniyasi tomonidan suratga olinmoqda. Keng jamoatchilik uchun premyera 2021-yilning yanvar oyidan boshlanadi.
Izoh (0)