«Ренн» ва Франция терма жамоаси ярим ҳимоячиси Эдуардо Камавинга Украинага қарши кечган ўртоқлик учрашувида ўз номига гол ёздириб қўйди.
Шу тариқа Эдуардо 17 ёш-у 11 ойлигида Франция терма жамоаси сафида гол урган иккинчи энг ёш футболчига айланди. Терма жамоа тарихидаги энг ёш гол муаллифи Морис Гастигер саналади. У 1914 йилда 17 ёш-у 5 ойлик вақтида Швейцария дарвозасини ишғол этганди.
Франция терма жамоаси мазкур ўртоқлик ўйинида Украина терма жамоасини йирик ҳисобда таслим этди. «Учранглилар» умумий ҳисобда 7 бор рақиблар дарвозасини ишғол этган бўлса, украинлар бунга битта тўп билан жавоб қайтарди — 7:1.
Камавинга Франция чемпионатининг 2020/21 йилги мавсумида олти учрашувда майдонга тушиб, биттадан гол ва голли узатмага муаллифлик қилди.
Изоҳ (0)