Ukraina terma jamoasi o‘rtoqlik uchrashuvida Fransiyaga yirik hisobda (1:7) yutqazdi.
Bu terma jamoa tarixidagi eng yirik mag‘lubiyat bo‘ldi. Jamoa ilk bor to‘rttadan ortiq gol o‘tkazib yubordi. Bunga qadar ukrainlar eng ko‘pi bilan to‘rtta to‘p farqi bilan yutqazgandi.
Bundan avval ukrainlarga faqat Ispaniya (ikki marta), Xorvatiya, Chexiya, Slovakiya, Fransiya, Ruminiya va Germaniya terma jamoalari to‘rtta gol urishga erishgan holda g‘alaba qozongandi.
Fransiya terma jamoasi 2014-yil Yamaykaga qarshi kechgan o‘yindan keyin (8:0) ilk bor yettita gol urishga erishdi. Fransiya 1995-yildan buyon Yevropa jamoasiga yettita gol urolmayotgandi. 25 yil avval fransuzlar Ozarbayjonni 10:0 hisobida taslim etgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)