Украина терма жамоаси ўртоқлик учрашувида Францияга йирик ҳисобда (1:7) ютқазди.
Бу терма жамоа тарихидаги энг йирик мағлубият бўлди. Жамоа илк бор тўрттадан ортиқ гол ўтказиб юборди. Бунга қадар украинлар энг кўпи билан тўртта тўп фарқи билан ютқазганди.
Бундан аввал украинларга фақат Испания (икки марта), Хорватия, Чехия, Словакия, Франция, Руминия ва Германия терма жамоалари тўртта гол уришга эришган ҳолда ғалаба қозонганди.
Франция терма жамоаси 2014 йил Ямайкага қарши кечган ўйиндан кейин (8:0) илк бор еттита гол уришга эришди. Франция 1995 йилдан буён Европа жамоасига еттита гол уролмаётганди. 25 йил аввал французлар Озарбайжонни 10:0 ҳисобида таслим этганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)