FIFA kunlaridan foydalanib bir qator terma jamoalar 7-oktabr, chorshanba kuni xalqaro o‘rtoqlik uchrashuvlarida qatnashdi.
Portugaliya terma jamoasi Ispaniyaga qarshi bahs olib bordi. Uchrashuvning birinchi bo‘limida ispanlar kichik ustunlikka ega bo‘ldi va mezbonlar darvozasi oldida bir qator vaziyatlarni sodir etdi. Ikkinchi bo‘limda qator o‘zgarishlarga qo‘l urgan portugallar faollikni oshirdi. Portugaliyalik futbolchilar hatto ikki bor darvoza to‘sinini nishonga olishga erishdi. Biroq o‘yin yakuniga qadar hisob o‘zgarmadi.
Germaniya terma jamoasi Turkiya bilan o‘ynadi. Birinchi bo‘limga qo‘shib berilgan vaqtda Yulian Draksler nemislarni oldinga olib chiqdi. Bunga turklar ikkinchi bo‘lim debyutida O‘zan Tufanning chiroyli goli bilan javob qaytardi.
58-daqiqada Florian Noyxaus Germaniya terma jamoasidagi debyut golini urishga erishdi. Oradan ko‘p o‘tmay mehmonlar Efejan Karachaning golidan keyin yana muvozanatni tiladi. Nemislar 81-daqiqada Luka Valdshmidtning goli evaziga uchinchi golni ham urdi. Biroq hakam tomonidan qo‘shib berilgan vaqtda Kenan Karaman Turkiyani mag‘lubiyatdan qutqarib qoldi.
Polsha terma jamoasi Finlyandiyani yirki hisobda taslim etishga erishdi. Kamil Grositskining het-triki, Kshishtof Piontek va Arkadiush Milikning gollari polshaliklarga yirik g‘alabani taqdim etdi.
O‘rtoqlik uchrashuvlari
7-oktabr, chorshanba
Portugaliya — Ispaniya 0:0
Portugaliya: Ruy Patrisiu, Ruben Semedu, Pepe (Ruben Diash, 46), Joau Kanselu, Moutinyu (Vilyam Karvalyu, 46), Gerreyru (Semedu, 68), Ruben Nevesh, Sanshesh, Trinkau (Diogu Jota, 79), Andre Silva (Bernardu Silva, 46), Ronaldu (Joau Feliks, 73).Ispaniya: Arrisabalaga, Erik Garsiya (Ramos, 82), Lyorente, Serxi Roberto, Regilon (Gayya, 46), Kanales (Rodri, 62), Buskets (Traore, 62), Sebalyos (Kampanya, 46), Olmo, Rodrigo (Merino, 46), Xerar Moreno.
Ogohlantirishlar: Regilon (44), Ruben Semedu (56).
Germaniya — Turkiya 3:3
Gollar: 1:0 – 45 Draksler, 1:1 – 49 Tufan, 2:1 – 58 Noyxaus, 2:2 – 67 Karacha, 3:2 – 81 Valdshmidt, 3:3 – 90+4 Karaman.Germaniya: Leno, Henrixs, Ryudiger (Ta, 59), Kox, Shuls (Gozens, 70), Noyxaus (Daud, 79), Jan, Draksler (Hofmann, 59), Haverts (Amiri, 90), Brandt (Shtark, 85), Valdshmidt.
Turkiya: Gyunok, Demiral, Sangare, Ayxan (Kabak, 75), Kaldirim, Yaziji (To‘ko‘z, 46), Qilinch (O‘nder, 46), Karacha (Tekdemir, 69), Tufan, Yokushlu (Karaman, 63), Unal (O‘mur, 85).
Ogohlantirishlar: Ryudiger (18), Draksler (23), Jan (68), O‘nder (76).
Polsha — Finlyandiya 5:1
Gollar: 1:0 – 9 Grositski, 2:0 – 18 Grositski, 3:0 – 38 Grositski, 4:0 – 53 Piontek, 4:1 – 68 Niskanen, 5:1 – 87 Milik.Daniya — Farer orollari 4:0
Gollar: 1:0 – 22 Olsen, 2:0 – 27, penalti Eriksen, 3:0 – 32 Mele, 4:0 – 45 Kornelius.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)