O‘zbekiston Favqulodda vaziyatlar vazirligi 7-oktabr kuni tongda Guliston shahrida yuz bergan portlash yuzasidan birlamchi ma’lumot berdi.
Ma’lum bo‘lishicha, soat 8:13 da Guliston shahridagi “Alpomish” sport majmuasida tashkil etilgan koronavirusga gumon qilingan yoki kasallangan bemorlarga tibbiy yordam ko‘rsatish, saralash va taqsimlash markazida kislorod balloni yorilishi sodir bo‘ldi.
“Hosil bo‘lgan kinetik zarba to‘lqinidan bino oynalari parchalanib, fuqarolarga tan jarohati yetgan”, -- deyiladi FVV axborotida. Vazirlikning ruscha axborotida kamida bir kishi yengil tan jarohati olgani aytiladi.
Hozirgi vaqtda fuqarolar FVV va boshqa tegishli xizmatlar tomonidan xavfsiz hududga ko‘chirilgan. “Mazkur hodisa oqibatida vafot etgan fuqarolar aniqlanmagan. Vaziyat to‘liq nazoratga olingan”, -- deya qo‘shimcha qilingan FVV axborotida.
Izoh (0)