Sirdaryo viloyati ma’muriy markazi Guliston shahridagi “Alpomish” sport majmuasida 7-oktabr kuni tongda portlash yuz berdi. Bu haqda Telegram’dagi Sirdaryo viloyati yangiliklarini yoritib boruvchi kanallar xabar bermoqda.
Foto: Telegram / @sirdaryo
Majmuada bo‘lgan voqea ishtirokchilaridan biri “kislorod portlagani”ni aytmoqda. Hodisaning boshqa guvohlari portlash oqibatida bino bo‘laklari osmonga ko‘tarilib tushganini xabar qilmoqda.
Favqulodda vaziyatlar vazirligi ma’lumotiga ko‘ra, hodisa oqibatida vafot etganlar yo‘q, bir kishi yengil tan jarohati bilan kasalxonaga yotqizilgan.
Xabar berishlaricha, Gulistondagi “Alpomish” sport majmuasi koronavirusga chalingan bemorlarni davolash markaziga aylantirilgan edi.
Izoh (0)