AQSh Davlat departamenti 2022-yil uchun Green Card lotereyasidan ro‘yxatdan o‘tish 7-oktabr kuni rasmiy ravishda ochilishini e’lon qildi. Hukumat ma’lumotlariga ko‘ra, 55 mingta grin-karta o‘ynaladi.
Diversity Visa dasturi immigratsiya darajasi past bo‘lgan mamlakatlar chet el fuqarolariga AQShda besh yilgacha qonuniy ravishda doimiy yashash imkoniyatini beradi.
Arizalarni elektron shaklda 7-oktabr kuni soat 12:00 dan 2020-yil 10-noyabr soat 12:00 gacha topshirish mumkin.
Anketani istalgan kishi, hatto ingliz tilini boshlang‘ich darajada biladiganlar ham to‘ldirishi mumkin. Buning uchun immigratsiya bo‘yicha advokat xizmatlari ham talab qilinmaydi.
Green Card uchun arizani bu yerda to‘ldirish mumkin. Buning uchun hech qanday to‘lov undirilmaydi.
Green Card lotereyasining 2021-yilgi g‘oliblari butun dunyo bo‘ylab topshirilgan 6 741 128 ta arizadan tasodifiy ravishda tanlab olingan. Unda ishtirok etish istagida bo‘lganlar 2020-yilga (14 milliondan ortiq kishi) qaraganda kamroq bo‘lgan. O‘zbekistondan 5319 kishi ushbu lotereyada o‘ynash uchun ariza topshirgan.
Eslatib o‘tamiz, aprel oyining oxirlarida AQSh prezidenti Donald Tramp mamlakatga kiruvchi immigrantlar oqimi kamida 60 kunga to‘xtatilishini ma’lum qilib, bu borada tegishli qarorni imzolagan edi. Ta’kidlanishicha, bu Amerika iqtisodiyoti o‘sishni boshlaganida jamiyatning barcha qatlamlaridagi ishsiz amerikaliklar birinchi bo‘lib bo‘sh ish o‘rniga da’vogarlik qilishini kafolatlaydi.
Izoh (1)
Ariza tòldirish uchun tasdiqlash raqami (16 talik raqamni) qayerdan olsam bòladi