АҚШ Давлат департаменти 2022 йил учун Green Card лотереясидан рўйхатдан ўтиш 7 октябрь куни расмий равишда очилишини эълон қилди. Ҳукумат маълумотларига кўра, 55 мингта грин-карта ўйналади.
Diversity Visa дастури иммиграция даражаси паст бўлган мамлакатлар чет эл фуқароларига АҚШда беш йилгача қонуний равишда доимий яшаш имкониятини беради.
Аризаларни электрон шаклда 7 октябрь куни соат 12:00 дан 2020 йил 10 ноябрь соат 12:00 гача топшириш мумкин.
Анкетани исталган киши, ҳатто инглиз тилини бошланғич даражада биладиганлар ҳам тўлдириши мумкин. Бунинг учун иммиграция бўйича адвокат хизматлари ҳам талаб қилинмайди.
Green Card учун аризани бу ерда тўлдириш мумкин. Бунинг учун ҳеч қандай тўлов ундирилмайди.
Green Card лотереясининг 2021 йилги ғолиблари бутун дунё бўйлаб топширилган 6 741 128 та аризадан тасодифий равишда танлаб олинган. Унда иштирок этиш истагида бўлганлар 2020 йилга (14 миллиондан ортиқ киши) қараганда камроқ бўлган. Ўзбекистондан 5319 киши ушбу лотереяда ўйнаш учун ариза топширган.
Эслатиб ўтамиз, апрель ойининг охирларида АҚШ президенти Дональд Трамп мамлакатга кирувчи иммигрантлар оқими камида 60 кунга тўхтатилишини маълум қилиб, бу борада тегишли қарорни имзолаган эди. Таъкидланишича, бу Америка иқтисодиёти ўсишни бошлаганида жамиятнинг барча қатламларидаги ишсиз америкаликлар биринчи бўлиб бўш иш ўрнига даъвогарлик қилишини кафолатлайди.
Изоҳ (1)
Ariza tòldirish uchun tasdiqlash raqami (16 talik raqamni) qayerdan olsam bòladi