Moskvaning “Spartak” klubi Rossiya Premyer Ligasi 10-turida “Zenit” bilan 1:1 hisobida durang o‘ynadi.
Esekiel Ponsening 86-daqiqadagi gol evaziga moskvaliklarning golli seriyasi 14 o‘yinga yetdi. Jamoa barcha musobaqalarni hisoblaganda ketma-ket 14 uchrashuvdan beri gol urib kelmoqda.
So‘nggi bor “Spartak” 2019/20-yilgi mavsum doirasida 11-iyul kuni “Sochi”ga qarshi kechgan bahsda (0:1) gol ura olmagandi.
“Spartak”ning ushbu natijasi RPL klublari orasida eng uzoq davom etgan seriya bo‘lib turibdi.
Eslatib o‘tamiz, moskvaliklar safida o‘zbekistonlik yarim himoyachi Oston O‘runov harakat qilmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)