Futbol bo‘yicha Angliya Premyer Ligasining 4-turida “Chelsi” 3-oktabr, shanba kuni “Kristal Pelas”ni qabul qildi.
Uchrashuv maydon egalarining ustunligida boshlangan bo‘lsa ham tanaffusga qadar hisob ochilmadi. Ikkinchi bo‘limda “ko‘klar” to‘rt bor mehmonlar darvozasini aniq nishonga oldi.
50-daqiqada Ben Chiluell hisobni ochgan bo‘lsa, oradan o‘n daqiqa o‘tib, Kurt Zuma mezbonlarning ikkinchi golini urdi. Uchrashuv yakunlanishi arafasida “Chelsi” ikkita penalti ishlab oldi. Ularni Jorjinyo golga aylantirgan holda hisobni yirik ko‘rinishga olib keldi.
Mazkur g‘alabadan keyin Frenk Lempard shogirdlarining ochkolari 7 taga yetdi va jamoa 4-o‘ringa ko‘tarildi. “Kristal Pelas” (6) esa 8-pog‘onada bormoqda.
APL
4-tur bahsi
3-oktabr, shanba
“Chelsi” — “Kristal Pelas” 4:0
Gollar: 1:0 – 50 Chiluell, 2:0 – 66 Zuma, 3:0 – 78, penalti Jorjinyo, 4:0 – 82, penalti Jorjinyo.“Chelsi”: Mendi, Chiluell, Zuma, Aspilikueta, Tiago Silva, Jorjinyo, Haverts, Kante (Kovachich, 83), Hadson-Odoi (Pulishich, 83), Abraham, Verner.
“Kristal Pelas”: Guaita, Uord, Sako, Mitchell, Kuyate, Taunsend, Eze, Makartur (Ridevald, 72), Makkarti (Milivoyevich, 67), Zaha, Ayyu.
Ogohlantirishlar: Aspilikueta (64), Kante (70).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)