Yangi koronavirus infeksiyasi inson organizmiga yaxshiroq kirishi uchun 10 ta turli shaklga transformatsiya qilishi mumkin. “RBK”ning xabar berishicha, bu haqda Frensis Krik instituti olimlari ma’lum qildi.
Institut xodimlari COVID-19 tikanlari o‘zgarishi va yanada yopishqoq bo‘lishini aniqladi. Ular yordamida koronavirus inson hujayralarining tashqi qismida joylashgan ACE2 oqsiliga yaxshiroq yopishadi. Bundan tashqari, koronavirus tikanlari yordamida organizmga kiradi.
“Bu aksariyat virus oqsillariga qaraganda virus retseptorlari va sog‘lom hujayraning o‘zaro bog‘lanishining juda murakkab jarayonidir. Gripp va OIVda aktivlashtirish jarayoni nisbatan oddiyroq kechadi”, — deydi tadqiqot mualliflaridan biri, universitet laboratoriyasi tadqiqotchisi Donald Benton.
Bundan tashqari, tadqiqot davomida ingliz olimlari COVID-19 laboratoriyada tikanlarini bir daqiqada o‘zgartirishini, biroq bu jarayon hayotda sekinroq kechishini aniqlagan.
Universitetda ta’kidlanishicha, koronavirus o‘zini antitanalar ta’siridan himoya qilish uchun mutatsiyaga uchraydi. Olimlar ushbu kashfiyot nima uchun COVID-19 bu darajada yuqumli ekanligi borasida ko‘proq ma’lumot berishi mumkin, degan fikrda.
Avvalroq “Rospotrebnadzor” koronavirusning aniqlangan mutatsiyalari haqida ma’lumot bergani haqida xabar berilgan edi. Xabarda koronavirusning mavjud minglab mutatsiyasidan 22 tasi qayd etilgani va barqaror ravishda meros bo‘lib kelayotgani aytilgan. Bu mutatsiyalar 2020-yilning yanvar oyidan mart oyi oralig‘ida paydo bo‘lgan, keyinchalik virus genomida keng tarqalgan mutatsiyalar aniqlanmagan.
Avgust oyining boshlarida AQSh bosh infeksionisti koronavirusning xavfli mutatsiyasidan ogohlantirgandi. Indoneziya olimlari koronavirusning mutatsiyaga uchragan shtammini aniqlagan. Hindistonlik shifokorlar ham yangi turdagi koronavirusning 10 ta mutatsiyasini aniqlagan.
Izoh (0)