Italiyada bir sutkada 2548 kishida koronavirus aniqlandi. Bu apreldan buyon qayd etilgan eng yuqori kunlik ko‘rsatkich

Italiyada so‘nggi bir sutka ichida koronavirus bilan kasallanish bo‘yicha 2 mingdan ortiq yangi holat qayd etildi. Bu aprel oyidan buyon qayd etilgan eng yuqori ko‘rsatkich hisoblanadi. Bu haqda Italiya Fuqaro muhofazasi boshqarmasiga tayanib, “Interfaks” xabar berdi.

Boshqarma tomonidan ma’lum qilinishicha, so‘nggi bir sutka ichida 2548 kishida koronavirus aniqlangan, bu bir kun avvalgiga qaraganda 697 kishiga ko‘proq. So‘nggi sutka davomida 24 kishi kasallik oqibatida vafot etgan, 1140 kishi tuzalgan.

So‘nggi ma’lumotlarga ko‘ra, pandemiya boshidan buyon Italiyada 317 mingdan ortiq koronavirus bilan kasallanish holati aniqlangan. Bemorlarning 35 mingdan ortig‘i kasallik oqibatida vafot etgan.