Moskvada koronavirusga kasallanish bo‘yicha xavf guruhiga kiruvchi (surunkali kasalliklarga chalingan va 65 yoshdan oshgan) o‘qituvchilarni uydan turib ishlashga o‘tkazilishi mumkin. Bu haqda Moskva ta’lim boshqarmasiga tayanib “Izvestiya” xabar bermoqda.
Qayd etilishicha, xavf guruhidagi o‘qituvchilar masofaviy ishlashga nafaqat koronavirus tarqalishi sababli 5—18-oktabrgacha joriy qilingan ta’til vaqtida, balki undan keyin ham o‘tkazilishi kutilmoqda. Ularning o‘rniga dars o‘tishga pedagogika oliy o‘quv yurtlari bitiruvchilari yuqori kurs talabalari taklif qilinishi mumkin.
Ta’lim boshqarmasida ta’kidlashicha, o‘qituvchilar uchun ta’til vaqti ham ish kunidek qoladi. Bu kunlarda ular o‘quv dasturlarini ishlab chiqish, uy vazifalarini tekshirish va dars materiallarini takomillashtirish bilan shug‘ullanadi. “O‘qituvchilar” kasaba uyushmasining hamraisi Vsevolod Luxovitskiy “Izvestiya”ga bergan intervyusida, tashkilot taklif qilgan ssenariyga shubha bilan qaragan. Uning ta’kidlashicha, agar o‘qituvchilar ustozlik rolida maoshlarini saqlab qolinsa, ularning huquqlari buzilmagan bo‘ladi. Shu bilan birga, Luxovitskiy o‘qituvchilarning talabalar bilan almashtirilishini ehtimoldan uzoq deb baholagan. “Maktabga shunday maydalab ishlashga boradigan talabalarni qayerdan topishadi, hayronman”, — degan u.
Moskvada bir nechta pedagogika universiteti talabalarining maktab o‘qituvchilarini almashtirishga chiqishi ehtimoli haqiqatan ham ko‘rib chiqilayotganini gazetaga tasdiqlagan.
“Surunkali kasalliklarga chalingan yoki 65 yoshdan oshgan Moskva maktablari o‘qituvchilari o‘rnini pedagogika oliy o‘quv yurtlari talabalari egallashi kutilmoqda. <...> Darslarni uni o‘tishga tayyor bo‘lgan yuqori kurs talabalari olib boradi”, — degan Moskva davlat pedagogika universiteti o‘quv ishlari bo‘yicha prorektori Dmitriy Agranat “Izvestiya”ga.
Eslatib o‘tamiz, Moskvada 5-oktabrdan 18-oktabrgacha ikki haftalik ta’til e’lon qilindi. Odatda maktablarda kuzgi ta’til bir hafta davom etadi, ammo koronavirus tarqalishi bilan bog‘liq vaziyat tufayli ta’til muddati uzaytirilgan. Koronavirus bilan kasallanish holati ortganligi fonida Moskva tibbiyot universitet talabalari va bitiruvchilariga poytaxt kasalxonalarida ishlash taklif qilingan.
Izoh (0)