O‘zbekistondagi 7620 ta yoki jami maktablarning 76,3 foizi 28-sentabr holatiga ko‘ra o‘z faoliyatini to‘liq tikladi, deya xabar bermoqda Xalq ta’limi vazirligi.
Pandemiya sharoitida 2020–2021-o‘quv yilidan maktablar faoliyati bosqichma-bosqich yo‘lga qo‘yila boshladi. Maktablarning ochilishi to‘g‘risidagi qarorlar har bir maktab bo‘yicha individual tarzda sanitariya-epidemiologik vaziyat inobatga olingan holda mahalliy kengashlar deputatlari ruxsatidan so‘ng qabul qilinmoqda.
Xususan, 7-sentabr kuni O‘zbekistonda 431 ta (4,3 foiz) maktab faoliyatini boshlagan bo‘lsa, 14-sentabrdan 2560 ta (25,6 foiz), 21-sentabrda 4379 ta (43,9 foiz) maktab faoliyatini tikladi.
“Maktab faoliyati tiklanmagan o‘quvchilarning ta’lim olishi ‘Onlayn-maktab’ loyihasi doirasidagi televizion darslar orqali ta’minlanmoqda”, – deyiladi vazirlik xabarida.
Avvalroq Toshkentda 28-sentabrda qaysi maktablar an’anaviy tarzda faoliyat boshlashi ma’lum qilingandi.
Mavzuga doir:
Izoh (0)