“Tottenhem”ning Angliya Liga Kubogi 1/16 finalidagi raqibi “Leyton Oriyent”ga texnik mag‘lubiyat yozildi. Bu haqda Angliya futbol Ligasi ma’lum qildi.
Uchrashuv 22-sentabr kuni bo‘lib o‘tishi rejalashtirilgandi. Biroq o‘yin boshlanishidan biroz oldin ikkinchi liga klubida koronavirus bilan kasallanganlar borligi aniqlangan.
Avvaliga uchrashuv qoldirildi, biroq “Oriyent” rahbariyati o‘yinni tashkil qilishdagi majburiyatlarini bajarmagani bois, bahs bekor qilingan. Ta’kidlanishicha, uchrashuvdan avval “Tottenhem” raqib jamoaning COVID-19 ga topshirgan testlari xarajatini qoplab bergan.
Shu tariqa “Tottenhem” Liga Kubogi 1/8 finaliga yo‘l oldi va u yerda “Chelchi”ga qarshi o‘ynaydi. Uchrashuv 29-sentabr kuni “Tottenhem” maydonida bo‘lib o‘tadi.
Londonliklar 3-bosqichda quyi liga klubi “Barnsli”ni 6:0 hisobida mag‘lub etgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)