«Тоттенҳэм»нинг Англия Лига Кубоги 1/16 финалидаги рақиби «Лейтон Ориент»га техник мағлубият ёзилди. Бу ҳақда Англия футбол Лигаси маълум қилди.
Учрашув 22 сентябрь куни бўлиб ўтиши режалаштирилганди. Бироқ ўйин бошланишидан бироз олдин иккинчи лига клубида коронавирус билан касалланганлар борлиги аниқланган.
Аввалига учрашув қолдирилди, бироқ «Ориент» раҳбарияти ўйинни ташкил қилишдаги мажбуриятларини бажармагани боис, баҳс бекор қилинган. Таъкидланишича, учрашувдан аввал «Тоттенҳэм» рақиб жамоанинг COVID-19 га топширган тестлари харажатини қоплаб берган.
Шу тариқа «Тоттенҳэм» Лига Кубоги 1/8 финалига йўл олди ва у ерда «Челчи»га қарши ўйнайди. Учрашув 29 сентябрь куни «Тоттенҳэм» майдонида бўлиб ўтади.
Лондонликлар 3-босқичда қуйи лига клуби «Барнсли»ни 6:0 ҳисобида мағлуб этганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)