Futbol bo‘yicha Coca-Cola Superliga 17-turidan o‘rin olgan ikki o‘yin 25-sentabr, juma kuni bo‘lib o‘tdi.
“Lokomotiv” jamoasi “Metallurg” mehmoni bo‘ldi. Uchrashuvning 37-daqiqasida Kaxi Maxaradze “temiryo‘lchilar”ni oldinga olib chiqdi. Ikkinchi bo‘lim debyutida Ixtiyor Toshpo‘latov hisobni tenglashtirishga erishdi.
66-daqiqada Temurxo‘ja Abduxoliqov mehmonlarning ikkinchi golini urdi. Uchrashuv yakunlanishi arafasida Shahzod Ubaydullayev muvozanatni tikladi.
“Metallurg” 29 ochko bilan 5-o‘rinda bormoqda, “Lokomotiv” hisobida esa 22 ochko bor va jamoa 7-pog‘onadan joy olgan.
Parallel bahsda musobaqa autsayderlari “Andijon” va “Buxoro” o‘zaro kuch sinashdi. Dastlab mehmonlar 30-daqiqada Izzat Abdullayevning golidan keyin oldinga o‘tib oldi. Bunga maydon egalari besh daqiqa o‘tib, Abdullo Olimovning goli bilan javob qaytardi.
Birinchi bo‘lim oxirlab borayotgan bir vaqtda buxoroliklar futbolchisi Ilhom Alijonov ikkinchi sariq kartochkasini olib maydonni tark etdi. Ikkinchi bo‘limda andijonliklar ustunlikka ega bo‘ldi. 52-daqiqada Baxtiyor Qosimov “Andijon”ga g‘alaba keltirgan golga muallif bo‘ldi. Hisob yanada yiriklashishi mumkin edi, biroq mezbonlar 85-daqiqada penaltidan unumli foydalana olmadi.
Shu tariqa “Andijon” 2020-yilgi mavsumdagi ilk g‘alabasini qo‘lga kiritdi va ochkolarini 10 taga yetkazib olgan holda 12-o‘ringa ko‘tarildi. “Buxoro” (8) esa so‘nggi pog‘onaga ravona bo‘ldi.
Coca-Cola Superliga
17-tur bahslari
25-sentabr, juma
“Metallurg” — “Lokomotiv” 2:2
Gollar: 0:1 – 37 Kaxi Maxaradze, 1:1 – 52 Ixtiyor Toshpo‘latov, 1:2 – 66 Temurxo‘ja Abduxoliqov, 2:2 – 86 Shahzod Ubaydullayev.“Metallurg”: Aleksandr Lobanov, Abbos Otaxonov, Doniyor Narzullayev (Abdurahmon Abdulhaqov 64), Salamat Qutiboyev, Shahzod Ubaydullayev, Abror Toshqo‘ziyev, Zohid Abdullayev (Murod Bobojonov 64), Ixtiyor Toshpo‘latov, Stanislav Andreyev, Davron Anvarov (Xudoyshukur Sattorov 46), Yevgeniy Chumak.
“Lokomotiv”: Javohir Ilyosov, Jahongir Abdumo‘minov (Javohir Alijonov 80), Kaxi Maxaradze (Saveliy Abramov, 86), Marat Bikmayev (Abdulaziz Yusupov 80), Temurxo‘ja Abduxoliqov, Azizbek Amonov (Shohjahon Qilichev 60), G‘ulom Haydar G‘ulomov, Dilshodjon Komilov, Sherzod Fayziyev, Jaloliddin Jumaboyev, Diyorjon Turopov (Avazbek O‘lmasaliyev 80).
“Andijon” — “Buxoro” 2:1
Gollar: 0:1 – 30 Izzatilla Abdullayev, 1:1 – 35 Abdullo Olimov, 2:1 – 52 Baxtiyorjon Qosimov.“Andijon”: Eldor Adhamov, Azamat Isroilov, Farhod Mirahmatov, Baxtiyor Qosimov, Farhodbek Bekmurotov, Siroj Meliyev, Abdullo Olimov, Usmonali Usmonaliyev, Muhammad Yo‘ldoshev (Qahramon Bahodirov, 90), Doniyor Abdumannopov (Asilbek Azizov, 90+2), Nodir Mavlonov (Jamshid Homidov, 46).
“Buxoro”: Zafar Safayev (Sardor Qobuljonov, 61), Mirjalol Jumayev, Boburjon Amanov, Jasur Hakimov, Aziz Ibragimov (Bekzod Saidov, 51), Behruz Sadilloyev (Zohir Pirimov, 61), Abror Xusinov, Ergash Ismoilov, Ilhom Alijonov, Izatilla Abdullayev (76.Abdug‘ani Kamolov, 46), Maksimilian Fomin.
Ogohlantirishlar: Alijonov (34), Mavlonov (42), Qobuljonov (80).
Chetlatish: Alijonov (41).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)