“Bavariya” UEFA Superkubogida “Sevilya”ni 2:1 hisobida mag‘lubiyatga uchratdi.
Shu tariqa Myunxen klubi ustozi Xans-Diter Flik murabbiylik faoliyatidagi to‘rtinchi sovrinini qo‘lga kiritdi.
Qayd etish joiz, uning bosh murabbiy sifatida debyutiga aylangan 2019/20-yilgi mavsumda mutaxassis UEFA Superkubogidan tashqari, trebl qayd etdi — uning jamoasi Chempionlar Ligasi, Bundesliga va Germaniya Kubogida g‘alaba qozondi.
Eslatib o‘tamiz, Flik 2019-yilning yozida “Bavariya” murabbiylar shtabiga Niko Kovachga yordamchisi sifatida kirgandi, ammo noyabr oyida xorvatiyalik murabbiy iste’foga chiqarildi. Shundan so‘ng u dastlab, bosh murabbiy vazifasini bajaruvchi etib tayinlandi va keyinchalik (aprel oyida) klub u bilan 2023-yilgacha mo‘ljallangan shartnoma imzoladi.
Shuningdek, u 2014-yilda Germaniya terma jamoasi bosh murabbiyi Yoaxim Lyovning yordamchisi sifatida Jahon Chempioni bo‘lgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)