“Barselona” hujumchisi Lionel Messi “Atletiko”ga o‘tib ketgan Luis Suaresga murojaat qildi. Argentinalik futbolchi Instagram sahifasida sobiq jamoadoshiga ochiq xat yo‘lladi.
Ketganingni qabul qilishni boshladim, biroq bugun kiyinish xonasiga kirdim va o‘sha yerda bo‘layotgan voqealarni to‘liq his qildim. Kunni sensiz o‘tkazish naqadar qiyin bo‘lishini anglayapman, maydonda ham, uning tashqarisida ham. Seni juda sog‘inamiz. Necha yillik birgalikdagi tushlik va kechki ovqatlanishlar...Urugvaylik hujumchi “Barselona” bilan amaldagi shartnomasini bekor qildi va “Atletiko” safiga o‘tdi.Seni boshqa klub libosida ko‘rish g‘alati bo‘ladi, senga qarshi o‘ynash esa undan ham g‘alati. Sen “Barselona” tarixidagi eng muhim o‘yinchilardan biri eding, sovrin va individual yutuqlaring tufayli munosib xayrlashishlariga loyiq eding. Klubdan bu kabi irg‘itib yuborishlariga loyiq emas eding. Biroq meni endi hech nima ajablantirmayapti. Yangi sarguzashtlaringda barcha yaxshi tilaklarni bildirib qolaman. Seni juda yaxshi ko‘raman. Yaqinda ko‘rishamiz, do‘stim.
Lionel Messi, “Barselona” futbolchisi
Suares 2014-yildan buyon “Barselona”da to‘p surib kelardi. U katalon klubida umumiy miqdorda 283 ta o‘yin o‘tkazib, 198 ta golga mualliflik qildi. 2019/20-yilgi mavsumda hujumchi klub miqyosida 36 o‘yin o‘tkazib, 21 gol urdi va 10 ta golli amalga oshirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)