Integratsiya – tiklash, to‘ldirish, sistemaning ayrim qismlari va funksiyalarini o‘zaro bog‘liqlik holatini hamda shunday holatga olib boruvchi jarayonni ifodalaydigan tushunchadir. Bu tizim kadastr sohasida qanday foyda va imkoniyatlarni keltiradi kabi savolga Toshkent shahar davlat kadastr boshqarmasi boshlig‘i v.b. Murod Fayzullayev Milliy matbuot markazida bo‘lib o‘tgan matbuot anjumanida javob berdi.
“Integratsiya – bu axborot tizmilarini o‘zaro ma’lum bir maqsad uchun bog‘lash jarayonidir. Integratsiya ichki va tashqi turlarga bo‘linadi. Kadastr axborot tizimi 9 dan oshiq manfaatdor vazirlik va idoralar axborot tizimlari bilan integratsiya qilingan, ya’ni bir-biri bilan axborot almashinuvi shakli orqali bog‘langan. Bular
- Davlat soliq qo‘mitasi,
- Notarial idoralar,
- Najburiy ijro byurosi,
- Ichki ishlar vazirligi,
- Davlat xizmatlari agentligi hamda Yagona interaktiv davlat xizmatlari portali (YaIDXP),
- “O‘zbekenergo” AJ va “Toshissiqquvati” DUK,
- COVID-19 shtabi,
- Davreyestr axborot tizimlari bilan o‘zaro axborot almashinuvi orqali integratsiya qilingan.
Tadbirda aytilishicha, ushbu tizim orqali hozirgacha 313 mingga yaqin axborot almashinuvi amalga oshirilgan. Birgina ko‘chmas mulk axborot tizimi orqali yuqorida sanab o‘tilgan 9 ta axborot tizimlari bilan integratsiya qilish sababli, 2020-yilning 8 oy davomida jami bo‘lib, 5 ming 678 ta axborot almashinuvi amalga oshirilgan.
Mavzuga doir:
Izoh (0)