Murat Yildirim suratga tushayotgan “Ramo” seriali ustidan shikoyat, Neslihan Atagul “temir qiz” obrazida: Turk kinosida nima gaplar? (foto)

Turk kinoijodkorlari tomonidan turli mavzuda suratga olinayotgan film va seriallar haqida yangiliklarni e’tiboringizga havola etamiz.

Neslihan Atagul kam uchraydigan saraton kasalligi tufayli vafot etgan Neslijan Tay hayoti haqidagi filmda suratga tushadi. “Temir qiz Neslijan” filmining suratga olish ishlari marhumaning tug‘ilgan kuni – 2021-yil 14 mart-kunidan boshlanadi.

Neslijanning “Yengilsam ham, kurashib yengilaman” degan shiori bor edi. 2019-yil sentabr oyida to‘rtinchi bor kasallik qaytalanishidan so‘ng Neslijan 21 yoshida bu olamni tark etdi. Ammo u dahshatli kasallikka qarshi kurashning ramzi sifatida yodda qoldi.

Ayni damda “Ramo” serialida suratga tushayotgan Murat Yildirim 11 yoshli bolaning Twitter tarmog‘ida RTUKga yozgan shikoyatini o‘qib hayratga tushdi. Shikoyat quyidagicha bo‘lgan: “Salom. Men 5-sinf o‘quvchisiman, yoshim 11 da. Televideniye orqali namoyish etilayotgan ‘Ramo’ serialida qonli pichoqlashish sahnasini ko‘rib, juda ham ta’sirlandim. Iltimos, ushbu serialni to‘xtating”.

Serialda bosh rolni o‘ynayotgan aktyor Murat Yildirim shikoyatga javoban: “Men tushuna olmayapman, agar kimdir anglagan bo‘lsa, menga ham izoh bersin. Men qaysi biriga ko‘proq hayajonlanishni bilmay turibman: 11 yoshli bolaning ijtimoiy tarmoqdagi faolligigami, RTUKning serial haqidagi birinchi shikoyatigami yoki 11 yosh bolaning turk tili grammatikasini yaxshi bilishigami?”. Tabiiyki, serial ijodkorlariga jarima solinadi.

Boran Kuzum “Agentimga qo‘ng‘iroq qiling” serialining maxsus taklif etilgan yulduzi bo‘ldi va serialning 6-qismida tomoshabinlar bilan uchrashadi.

Dunyo bo‘ylab son-sanoqsiz muxlislarga ega Fahriye Evjen tomoshabinlar qalbini zabt etishda davom etmoqda. Qozog‘istonda aktrisa ishtirokida L’Oreal Paris Elseve reklama roligi namoyish etila boshlandi.

Ma’lumotlarga ko‘ra, “Tug‘ilgan uy taqdiringdir” va “Qizil xona” seriallari bir-biri bilan chambarchas bog‘liq degan xabar paydo bo‘ldi. Buning ajablanarli joyi yo‘q, chunki ikki loyiha ham taniqli yozuvchi va ruhshunos Gulseren Budayijio‘g‘lining asarlari asosida suratga olingan. Shuningdek, serialning birinchi qismida Zeynep (Demet O‘zdemir) “ko‘rinmas” ruhshunos bilan suhbatlashadi.

“Janob xato” kartinasi uchun aktyorlar tarkibini to‘ldirishga tayyorgarlik ko‘rilmoqda. Birsen Alintashning so‘zlariga ko‘ra, Selin serialda qahramon Derin sifatida namoyon bo‘ladi.