Londonning “Chelsi” klubi Fransiyaning “Renn”idan darvozabon Eduard Mendini o‘z safiga qo‘shib oldi. Bu haqda “aristokratlar” rasmiy saytida xabar berildi.
Mendi londonliklar bilan 5 yillik bitim imzolagan. So‘nggi xabarlarga ko‘ra, “Chelsi” senegallik 28 yoshli futbolchi uchun “Renn”ga 24 million yevro to‘lagan. Shuningdek, fransuz klubi uning natijalariga qarab, 6 million yevrogacha bonusga ega bo‘lishi mumkin. Ushbu transfer Fransiya chempionati darvozabonlari o‘rtasidagi eng qimmat xarid sifatida tarixga kirdi.
“Chelsi” safiga qo‘shilishdan mamnunman. Ushbu jamoaning bir qismiga aylanish, Frenk Lempard va uning murabbiylar shtabi bilan birga ishlash orzu edi. Yangi jamoadoshlarim bilan birga maydonga tushishni intizorlik bilan kutaman.Avvalroq “Chelsi” rekord summaga sotib olgan Kepa Arrisabalaganing ketma-ket xatolaridan so‘ng jamoa ustozi Frenk Lempard klub rahbariyatidan yangi darvozabon sotib olishni so‘ragani haqida xabar berilgandi.Eduard Mendi, darvozabon
Ma’lumot uchun, Mendi 2019-yil yozida “Reyms”dan “Renn”ga 4 million yevro evaziga to‘tgandi. O‘tgan mavsum futbolchi “qizil-qoralar” safida 33 ta bahsda qatnashib, o‘z darvozasidan 31 ta to‘p olib chiqqan. 13 ta bahsda esa o‘z darvozasi daxlsizligini saqlab qolgan.
Eslatib o‘tamiz, “Chelsi” birinchi bor “Renn”dan darvozabon sotib olmayapti. Londonliklar 2004-yilda Petr Chexni ham aynan ushbu klubdan xarid qilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)