Лондоннинг «Челси» клуби Франциянинг «Ренн»идан дарвозабон Эдуард Мендини ўз сафига қўшиб олди. Бу ҳақда «аристократлар» расмий сайтида хабар берилди.
Менди лондонликлар билан 5 йиллик битим имзолаган. Сўнгги хабарларга кўра, «Челси» сенегаллик 28 ёшли футболчи учун «Ренн»га 24 миллион евро тўлаган. Шунингдек, француз клуби унинг натижаларига қараб, 6 миллион еврогача бонусга эга бўлиши мумкин. Ушбу трансфер Франция чемпионати дарвозабонлари ўртасидаги энг қиммат харид сифатида тарихга кирди.
«Челси» сафига қўшилишдан мамнунман. Ушбу жамоанинг бир қисмига айланиш, Фрэнк Лэмпард ва унинг мураббийлар штаби билан бирга ишлаш орзу эди. Янги жамоадошларим билан бирга майдонга тушишни интизорлик билан кутаман.Аввалроқ «Челси» рекорд суммага сотиб олган Кепа Аррисабалаганинг кетма-кет хатоларидан сўнг жамоа устози Фрэнк Лэмпард клуб раҳбариятидан янги дарвозабон сотиб олишни сўрагани ҳақида хабар берилганди.Эдуард Менди, дарвозабон
Маълумот учун, Менди 2019 йил ёзида «Реймс»дан «Ренн»га 4 миллион евро эвазига тўтганди. Ўтган мавсум футболчи «қизил-қоралар» сафида 33 та баҳсда қатнашиб, ўз дарвозасидан 31 та тўп олиб чиққан. 13 та баҳсда эса ўз дарвозаси дахлсизлигини сақлаб қолган.
Эслатиб ўтамиз, «Челси» биринчи бор «Ренн»дан дарвозабон сотиб олмаяпти. Лондонликлар 2004 йилда Петр Чехни ҳам айнан ушбу клубдан харид қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)