Futbol bo‘yicha Angliya Liga Kubogining 3-saralash bosqichi doirasida “Manchester Yunayted” 22-sentabr, seshanba kuni “Luton” maydoniga safar qildi.
Birinchi bo‘lim yakunlanishi arafasida Xuan Mata penaltini aniq bajarib, mehmonlarni hisobda oldinga olib chiqdi.
Ikkinchi bo‘lim yakuniga yaqin zaxiradan maydonga qo‘shilgan futbolchilarning gollaridan keyin hisob yirik ko‘rinish oldi. 88-daqiqada Markus Reshford ikkinchi golni urgan bo‘lsa, qo‘shib berilgan daqiqalarda Meyson Grinvud hisobni yirik ko‘rinishga olib keldi.
Shu tariqa “Manchester Yunayted” keyingi bosqichga yo‘l oldi va u yerda “Nyuport” — “Uotford” uchrashuvi g‘olibi bilan o‘ynaydi.
Shuningdek, “Vest Hem” o‘z maydonida “Hall Siti”ni yirik hisobda mag‘lubiyatga uchratdi. “Uotford” esa safarda “Nyuport”ga yutqazib qo‘ydi.
Angliya Liga Kubogi
3-saralash bosqichi
22-sentabr, seshanba
“Luton” — “Manchester Yunayted” 0:3
Gollar: 0:1 – 44, penalti Mata, 0:2 – 88 Reshford, 0:3 – 90+2 Grinvud.“Luton”: Shi, Bredli, Norrington-Devis, Kioso, Lokyer, Klark (Kornik, 76), Tannikliff, Lua-Lua, Monkur (Li, 76), Shinni, Hilton.
“Manchester Yunayted”: Henderson, Maguayr, Uan-Bissaka, Bayi, Uilyams, van de Bek (Brunu Fernandesh, 78), Fred, Mata (Grinvud, 78), Lingard, Matich, Igalo (Reshford, 79).
Ogohlantirishlar: Uilyams (57), Kioso (67), Hilton (85).
“Nyuport” — “Uotford” 3:1
Gollar: 1:0 – 18, penalti Abrahams, 2:0 – 28 Lebedi, 2:1 – 54, penalti Penyaranda, 3:1 – 65 Eymond.“Vest Bromvich” — “Brentford” 2:2
Penaltilar seriyasi — 4:5Gollar: 1:0 – 56, penalti Robson-Kanu, 1:1 – 58 Markondes, 2:1 – 66, penalti Robson-Kanu, 2:2 – 73, penalti Forss.
“Vest Hem” — “Hall Siti” 5:1
Gollar: 1:0 – 18 Snodgrass, 2:0 – 45 Aller, 3:0 – 56, penalti Yarmolenko, 3:1 – 70 Uilks, 4:1 – 90 Aller, 5:1 – 90 Yarmolenko.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)