Kechki ovqatga bir zumda tayyor bo‘ladigan tovuq filesi va sousli taom pishiramiz

Sous tovuq filesini yanada yumshoq qiladi hamda juda tez tayyorlanadi.

Kerakli mahsulotlar:

• Tovuq filesi – 4 bo‘lak;
• Pasta uchun tomat sousi – 700 gr;
• Konservalangan pomidor – 400 gr;
• Un – 50 gr;
• Non talqoni – 75 gr,
• Qattiq pishloq – 50 gr;
• Tuxum – 2 dona;
• Zaytun yog‘i – 3 osh qoshiq;
• Mozzarella pishlog‘i – 150 gr;
• Rayhon – 2 ta yaproq.

1. Tomat sousi va konservalangan pomidor idishda aralashtiriladi va past olovga qo‘yiladi.
2. Tovuq filesi ustiga qandolat qog‘ozi qo‘yiladi va qalinligi 1 santimetr bo‘lguncha uriladi.
3. Un va tuz alohida idishda aralashtirib olinadi.
4. Yana bir idishda non talqoni va qirg‘ichdan o‘tkazilgan pishloq, tuxum ham boshqa bir idishda sanchqi yordamida aralashtiriladi.
5. Yog‘ qizib turishi uchun tovaga quyiladi. Tovuq filesi avval unga, so‘ng tuxumga va keyin pishloqli aralashmaga botiriladi.
6. Filening har ikki tomoni qizarguncha pishiriladi.
7. Maxsus idishga tomat sousi aralashmasi quyiladi, ustidan tovuq filesi va pishloq bo‘laklari solinadi.
8. 180 darajada 5-8 daqiqa davomida pechda pishiriladi.